Azərbaycan Respublikası Təhsil Nazirliyinin tövsiyəsi ilə tibb bacıları üçün xüsusi əhəmiyyət kəsb edən yeni bir dərs vəsaiti işıq üzü görüb.

Azmedinfo.az xəbər verir ki, İ. Q. Əmənullayevin müəllifliyi ilə hazırlanan “Tibb Bacısının Ümumi Cərrahi Əməliyyatlarda Dərs Vəsaiti” adlı kitab cərrahiyyə sahəsində çalışan və təhsil alan tibb bacıları üçün əvəzsiz mənbədir.

Bu vəsait ümumi cərrahi əməliyyatların nəzəri və praktiki əsaslarını ətraflı şəkildə izah edir. Kitabın ən böyük özəlliklərindən biri onun zəngin illüstrasiyalarla tamamlanmasıdır ki, bu da mürəkkəb prosedurların daha asan başa düşülməsinə kömək edir. Vəsaitdə mövzular sistemli və peşəkar bir yanaşma ilə təqdim edilib.

Kitab tibb təhsilində keyfiyyəti artırmaq və tibb bacılarının biliklərini daha da dərinləşdirmək məqsədi daşıyır. Bu vəsaitin tibbi kadrların yetişdirilməsində və onların peşəkar inkişafında mühüm rol oynayacağı gözlənilir.