Son günlər Günəş fəaliyyətində bəzi dəyişikliklər müşahidə olunub. Günəşdəki ləkələrin sayı artıb və bir neçə zəif partlayış (alışma) qeydə alınıb.

Azmedinfo.az-a N.Tusi adına Şamaxı Astrofizika Rəsədxanasından verilən məlumata əsasən, bu partlayışlar Yerə ciddi təsir göstərməsə də, sentyabrın 15-də başlayan və bir gün davam edən geomaqnit qasırğası baş verib. Bu qasırğa Günəşdəki "Tac Dəliyi" adlanan böyük boşluqdan çıxan küləklər nəticəsində yaranıb.

22-28 sentyabr aralığında gözlənilən proqnoza gəldikdə, bu həftə ərzində Günəşdə yeni partlayışların olma ehtimalı yüksəkdir. Bunun nəticəsində, bu gün zəif geomaqnit qasırğasının baş verəcəyi gözlənilir. Daha sonra isə kosmik hava şəraitinin sakitləşəcəyi proqnozlaşdırılır.

Günəşdə zəif partlayışların olma ehtimalı 99% olsa da, daha güclü partlayışların ehtimalı 40%-dir. Çox güclü partlayışların ehtimalı isə yalnız 5%-dir.

Geomaqnit qasırğası bu gün üçün zəif də olsa gözlənilir, lakin sonrakı günlərdə vəziyyət sabitləşəcək.