Üçlü orqan transplantasiyası dünyada nadir hallarda həyata keçirilən əməliyyatlardan biridir. Bu prosedur eyni donorun ürək, qaraciyər və böyrək kimi üç orqanının eyni anda xəstəyə köçürülməsini nəzərdə tutur və xüsusilə çoxorqan çatışmazlığı olan pasiyentlər üçün həyati əhəmiyyət kəsb edir.

Azmedinfo.az xəbər verir ki, ABŞ-da 1989-cu ildən etibarən 60-dan çox belə əməliyyat icra olunub. Əsasən uşaqlar və gənclərə tətbiq edilən bu prosedur bəzi hallarda 50 yaşdan yuxarı pasiyentlər üçün də uyğun ola bilər. Əməliyyatdan əvvəl xəstələr hərtərəfli tibbi qiymətləndirmədən keçir və uyğunluq barədə qərar müvafiq orqan komitələri tərəfindən verilir.

Üçlü transplantasiya mürəkkəb tibbi prosesdir və onun uğurla başa çatması yüksək ixtisaslı cərrahların və təcrübəli tibbi heyətin peşəkarlığını tələb edir. Məsələn, bəzi hallarda əməliyyat 14 saat davam edib və bu müddət ərzində 10–15 mütəxəssis eyni vaxtda iştirak edib. Əməliyyatdan sonra xəstələr xüsusi nəzarətdə saxlanılır və reabilitasiya xidmətləri ilə təmin olunurlar.

Belə əməliyyatlar xəstələrə həyat keyfiyyətini yenidən bərpa etmək imkanı yaradır. Tibb mütəxəssisləri üçlü orqan transplantasiyasını pasiyentlər üçün əsl “ikinci həyat şansı” kimi qiymətləndirirlər.

Orqan Donorluğu və Transplantasiyası üzrə Koordinasiya Mərkəzi