Dr. Ramin Rzayev Çin Xalq Respublikasında keçirilən beynəlxalq seminarda çıxış edib

02 Oktyabr 2025

412

Mərkəzi Gömrük Hospitalının Travmatologiya şöbəsinin rəisi, t.ü.f.d., travmatoloq-ortoped Dr. Ramin Rzayev 2025-ci ilin sentyabr ayında Çin Xalq Respublikası, Pekin şəhərində, Pekin Universitetinin III Klinik Xəstəxanasında keçirilən “İrəli Artroplastika” mövzusunda beynəlxalq seminarda məruzə ilə çıxış edib.

Azmedinfio.az xəbər verir ki, təqdimatında Dr. Ramin Rzayev bud-çanaq və diz oynaqlarının ciddi deformasiya ilə müşayiət olunan osteoartrozlarında bilateral və unilateral hallarda artroplastika əməliyyatlarının tək və ya iki mərhələdə aparılması ilə bağlı göstərişlərə, həmçinin əməliyyat zamanı implant seçiminin xüsusiyyətlərinə dair ətraflı məlumat təqdim edib.

Mövzu üzrə dərin elmi yanaşması və praktiki təcrübəsi ilə seçilən Dr. Ramin Rzayevin çıxışı seminar iştirakçıları tərəfindən böyük maraqla qarşılanıb və yüksək qiymətləndirilib.