10 oktyabr 2025-ci il, saat 10:00-da Xankəndi şəhərində Azərbaycan Respublikası Səhiyyə Nazirliyinin Elmi-Tədqiqat Ağciyər Xəstəlikləri İnstitutu tərəfindən əhali arasında səyyar tibbi müayinə və konsultasiya keçiriləcək.

Azmedinfo.az xəbər verir ki, həkim qrupu – pulmonoloq, ftiziatr, kardioloq və digər tibb mütəxəssisləri tərəfindən əhalinin tənəffüs sistemi xəstəliklərinin aşkar olunması və profilaktik müayinələr aparılacaq.

Bununla yanaşı, respirator xəstəliklərin səbəbləri, onların qarşısının alınması və aradan qaldırılması yolları barədə maarifləndirici aksiya təşkil ediləcək.

Hər kəsi sağlamlıq müayinəsindən keçməyə və maarifləndirici görüşdə iştirak etməyə dəvət edirik!