3 oktyabr Ümumdünya Alkoqolizmlə Mübarizə Günüdür

03 Oktyabr 2025

592

3 oktyabr Ümumdünya Alkoqolizmlə Mübarizə Günüdür

Spirtli içkilərin zərərli təsirlərinə ictimaiyyətin nəzərini cəlb və alkoqolizm probleminin həlli yollarını müəyyən etmək üçün hər il 3 oktyabr tarixi Ümumdünya Alkoqolizmlə Mübarizə Günü kimi qeyd edilir.

Azmedinfo.az xəbər verir ki, spirtli içkilərə həddən artıq aludəçilik 200-dən çox xəstəliyin yaranmasının başlıca faktorudur. Müntəzəm olaraq spirtli içki qəbul edən kişilərin təxminən 1/3 hissəsi impotensiyadan əziyyət çəkir, qadınlarda reproduktiv funksiyanın fəaliyyəti zəifləyir, dünyaya gətirdikləri uşaqlar qüsurlarla doğulurlar. Doğulan uşaqlar fiziki cəhətdən pis inkişaf edir, onlarda psixi problemlər qeydə alınır.

Alkoqol aludəçiliyi sağlamlığa vurduğu zərərdən əlavə, həm də bütövlükdə cəmiyyətin sosial və iqtisadi vəziyyətinə əhəmiyyətli dərəcədə mənfi təsir göstərir.

Səhiyyə Nazirliyi İctimai Səhiyyə və İslahatlar Mərkəzi tərəfindən bu istiqamətdə müntəzəm olaraq maarifləndirmə tədbirləri həyata keçirilir, məlumatlandırıcı materiallar hazırlanaraq nəşr edilir və əhaliyə paylanılır.

Maarifləndirmə materialları ilə ətraflı tanış ola bilərsiniz: https://www.isim.az/az/print/8-Maariflendirme-materiallariSəhiyyə