Səhiyyə Nazirliyinin Elmi-Tədqiqat Tibbi Bərpa İnstitutunda Təşkilati-Metodik şöbənin təşkilatçılığı ilə institutun rezidenti Cəmilə Səfərli tərəfindən “Xroniki bronxitlərin klinikası, müalicəsi və reabilitasiyası” mövzusunda seminar keçirilib.

Azmedinfo.az xəbər verir ki, seminar zamanı C.Səfərli xroniki bronxitlərin pulmonar reabilitasiyası, müasir müalicə yanaşmaları, tənəffüs məşqləri ilə əldə olunan uğurlu nəticələr, reabilitasiyanın elektroterapiya hissəsi, həmçinin ölkəmizdə və dünya miqyasında tətbiq olunan metodlar və mövcud elmi tədqiqatların nəticələri barədə geniş məlumat verib.

Tədbirdə Elmi işlər üzrə direktor müavini, t.ü.f.d. Sevinc Rzayeva, rezidentin kuratoru, “Fizioterapiya şöbəsi”nin müdiri Ülviyyə Mikayılzadə, elmi işçilər və həkimlər iştirak ediblər. Seminarın sonunda mövzu ətrafında fəal müzakirələr aparılıb və iştirakçıların sualları cavablandırılıb.