Qlüten buğda, arpa və çovdar kimi məhsullarda olan zülal növüdür və bəzi insanların orqanizmi bu maddəyə qarşı mənfi reaksiya göstərə bilər.

Azmedinfo.az xəbər verir ki, qastroenteroloq-hepatoloq, invaziv-endoskopist Dr. Aqil Ağakişiyevin sözlərinə görə, qlütenə qarşı həssaslıq orqanizmdə müxtəlif həzm problemləri ilə özünü büruzə verə bilər.

Mütəxəssis bildirib ki, qarında köp və şişkinlik, qəbizlik və ya ishal, qarın ağrısı, ürəkbulanma və mədədə yanma hissi bu vəziyyətin əsas əlamətləri sayılır.

Ekspert vurğulayıb ki, bu simptomlar müşahidə olunduqda qidalanma vərdişlərini diqqətlə nəzərdən keçirmək, özbaşına dərman qəbulu etməmək və mütləq şəkildə həkim məsləhətinə müraciət etmək lazımdır.