“Laborator analizlərin götürülməsi zamanı nələrə diqqət edək?” - Maarifləndirirci təlim

08 Oktyabr 2025

444

Qubadlı Rayon Mərkəzi Xəstəxanasının Poliklinika şöbəsində “Laborator analizlərin götürülməsi zamanı nələrə diqqət edək?” mövzusunda maarifləndirici təlim keçirilib.

Azmedinfo.az xəbər verir ki, təlimin məqsədi tibb işçilərini analiz götürülməsi zamanı əməl edilməli olan qaydalar barədə məlumatlandırmaqdan ibarət olub.

Əvvəlcə giriş sözü ilə çıxış edən RMX-nın Poliklinika şöbəsinin müdiri, həkim-terapevt Hüsniyyə Adıgözəlova bu təlimin keçirilməsinin vacibliyindən danışıb. O qeyd edib ki, dəqiq və düzgün nəticələr üçün pasiyentlər bir çox qaydaları bilməli və onlara riayət etməlidirlər.

Həkim-laborant Aynurə Kalbalıyeva və həkim-laborant Vüsal Vahabzadə müxtəlif analizlərin hansı saatlarda verilməsindən, analiz nəticələrinə təsir edən faktorlardan geniş söhbət açıblar.

Sonda mövzu ətrafında müzakirələr aparılıb, iştirakçıları maraqlandıran suallar cavablandırılıb .