Ölkədə nikahdankənar doğulan körpələrin sayı azalıb.

Azmedinfo.az xəbər verir ki, bu, Dövlət Statistika Komitəsinin "Azərbaycanda kişilər və qadınlar" məcmuəsində öz əksini tapıb.

Bildirilib ki, rəsmi qeydə alınmamış nikahda olan qadınlar tərəfindən doğulan uşaqların sayı 2022-ci ildə 18814, 2023-cü ildə 15622, 2024-cü ildə isə 13228 nəfər olub.

Azərbaycanda abortların da sayı artıb.

Məcmuədə bildirilib ki, Azərbaycanda 15-49 yaşlı hər min qadın arasında 2022-ci ildə 22.1%, 2023-cü ildə 27.9%, 2024-cü ildə isə 29.4% abort halları qeydə alınıb.

Ötən il doğulan əkizlərin, üçəmlərin və dördəmlərin sayı barədə də məlumat təqdim edilib. Belə ki, ötən il 3386 (1709 qadın, 1677 kişi) əkiz dünyaya gəlib, 117 üçəm (63 qadın,54 kişi), 4 (kişi) dördəm dünyaya gəlib.

Ötən il Azərbaycanda körpələrə ən çox verilən adlar məlum olub. Bildirilib ki, qızlara ən çox Zəhra və Zeynəb adları verilib. Bu adlar sırasında Mələk, İnci, Fatimə, Ayla, Nilay, Melisa, Aylin, Məryəm də var.

Oğlanlara isə ən çox Uğur adı verilib. Tunar, Ayxan, Məhəmməd, Murad, Ömər, Raul, Yusif, Hüseyn, Əli adları da bu sıradadır.