Artıq 150 il yaşamaq potensialına malik nəsil dünyaya gəlib.

Azmedinfo.az xəbər verir ki, bu barədə Volqoqrad Dövlət Tibb Universitetinin layihə ofisinin aparıcı əməkdaşı Vitali Kovalyov öz “Telegram” kanalında məlumat verib.

Ekspertin fikrincə, qocalmanın geri dönməz proses olması ilə bağlı formalaşmış fikir yanlışdır. O hesab edir ki, yaxın gələcəkdə qocalmanı elmi nəzarət altına almaq üçün real imkanlar mövcuddur.

Ekspert vurğulayıb ki, elmi və ictimai dairələrdə 150 il yaşamağın mümkünlüyü barədə gedən müzakirələr artıq fantastika deyil, elmi araşdırmalar üçün real hədəfdir. Dünyanın bir sıra laboratoriyalarında bu məqsədə çatmağa kömək edə biləcək birləşmələrin sintezi üzərində işlər aparılır.

Artıq qarşıdakı 20 il üçün planlar hazırlanıb — mövcud nəzəri biliklərin maksimum təhlükəsiz eksperimentlərə çevrilməsi nəzərdə tutulur.