İcbari Tibbi Sığorta üzrə Dövlət Agentliyi və Türk Əməkdaşlıq və Koordinasiya Agentliyi (TİKA) arasında əməkdaşlıq çərçivəsində həyata keçirilən “Regionlarda uşaqların müayinəsi” layihəsi davam edir.

Azmedinfo.az xəbər verir ki, TƏBİB-in dəstəyi ilə növbəti mərhələ Masallı Rayon Mərkəzi Xəstəxanasında təşkil olunub. Bakıdan dəvət olunan müxtəlif ixtisaslı həkimlərin iştirakı ilə keçirilən müayinələr zamanı Masallı və ətraf rayonlardan olan 180 uşaq tibbi müayinədən keçib. Onlardan biri Bakıya, digəri isə Lənkərana əlavə müalicə və müayinə üçün göndəriş alıb.

Layihə çərçivəsində, həmçinin neonatoloqlar üçün təlim proqramı və neonatoloji xəstələrin konsultasiyası təşkil olunub.

Növbəti tibbi müayinələrin Daşkəsən və Şamaxı rayonlarında keçirilməsi planlaşdırılır.

TƏBİB