Çirkli əllər bir çox bakteriya və xəstəliklərin əsas yayılma mənbəyidir. Sağlam qalmağın ən sadə, amma ən təsirli yolu — əllərin düzgün və mütəmadi yuyulmasıdır.

Azmedinfo.az xəbər verir ki, 2008-ci ildən hər il 15 oktyabr – Ümumdünya Əl Yuma Günü kimi qeyd olunur. Bu günün məqsədi əllərin gigiyenasının sağlamlığa böyük təsiri barədə maarifləndirmə aparmaqdır.

Əllərinizi ən azı 40–60 saniyə ərzində sabunla yaxşıca yuyun, barmaq aralarını və dırnaqaltını unutmayın. Yeməkdən əvvəl, tualetdən sonra, küçədən gələndə və uşaqlarla təmasdan öncə əllərinizi yumağı vərdişə çevirin.

Təmiz əllər – xəstəliklərə qarşı görünməz qalxandır!