“Regionda İlk: Meyitdən Orqan Nəqli – Uğurlu Təcrübədən Gələcəyə Doğru” mövzusunda Beynəlxalq Elmi Konfrans həyata keçiriləcək

18 Oktyabr 2025

872

“Regionda İlk: Meyitdən Orqan Nəqli – Uğurlu Təcrübədən Gələcəyə Doğru” mövzusunda Beynəlxalq Elmi Konfrans həyata keçiriləcək

25 oktyabr 2025-ci il tarixində Dövlət Gömrük Komitəsinin Tibbi Xidmət İdarəsinin Elmi Təcrübi və Tədris Mərkəzinin, Mərkəzi Gömrük Hospitalının və rəsmi tərəfdaş Florence Healthcare İnternational Qrupun birgə təşkilatçılığı, Azərbaycan Respublikası Səhiyyə Nazirliyinin Orqan Donorluğu və Transplantasiyası üzrə Koordinasiya Mərkəzinin və TƏBİB-in dəstəyi ilə Sumqayıt şəhər H.Əliyev Mərkəzində “Regionda İlk: Meyitdən Orqan Nəqli – Uğurlu Təcrübədən Gələcəyə Doğru” mövzusunda Beynəlxalq Elmi Konfransın həyata keçirilməsi planlaşdırılır.

Azmedinfo.az xəbər verir ki, konfrans zamanı Azərbaycan və Türkiyənin yüksəkixtisaslı mütəxəssisləri tərəfindən təqdimatların edilməsi və mütəxəssislərarası təcrübə mübadiləsinin təşkili məqsədilə müzakirələrin təşkil olunması nəzərdə tutulub.

Sumqayıt şəhər H.Əliyev Mərkəzində həyata keçiriləcək Konfrans proqrama uyğun olaraq təcili tibbi yardım həkimi, anestezioloq-reanimatoloq, ümumi cərrah, ürək-damar cərrahı, uşaq cərrahı, uroloq, terapevt, kardioloq, nefroloq, infeksionist, endokrinoloq və pediatr ixtisaslı həkim və rezidentlər üçün nəzərdə tutulmuşdur.

Konfrans Azərbaycan Respublikası Səhiyyə Nazirliyinin “Davamlı Tibbi Təhsil üzrə elm və tədris tədbirlərinin akkreditasiya Qaydaları“ əsasında akkreditasiya olunmuş və 7 DTT balı ilə qiymətləndirilmişdir.

Konfransda iştirak ödənişsizdir.

Tədbirdə iştirak yalnız şəxsi dəvətnamə əsasında həyata keçiriləcək.

Tədbirlə bağlı əlaqə: 051 232 66 64

Qeydiyyat linki: https://forms.gle/3niPv3rzkKfQJNbEA

Proqramla tanış olmaq üçün link: : https://customshospital.az/25-oktyabr-regionda-ilk.../...