Bənövşəyi rəng epilepsiya ilə mübarizənin rəmzi sayılır. Bu rəng gücü, ümid və dözümü ifadə edir.

Azmedinfo.az xəbər verir ki, hər il noyabr ayında dünyanın bir çox ölkəsində olduğu kimi, Azərbaycanda da "Epilepsiya Fərqindəlik Ayı" qeyd olunur. Bu ayın məqsədi epilepsiya haqqında cəmiyyətdə düzgün bilgilərin artırılması, yanlış inancların aradan qaldırılması və xəstəliklə yaşayan insanların sosial həyata daha rahat inteqrasiyasına dəstək göstərməkdir.

Epilepsiya beyin fəaliyyətində müvəqqəti elektrik pozğunluğu nəticəsində yaranan tutmalarla xarakterizə olunur. Bu xəstəlik müasir müalicə metodları ilə nəzarət altına alına bilər və vaxtında düzgün yanaşma xəstələrin həyat keyfiyyətini əhəmiyyətli dərəcədə yaxşılaşdırır.

Gəlin bu ay birlikdə epilepsiya haqqında doğru məlumatları paylaşaq, maarifləndirici söhbətlər aparaq və cəmiyyətdə bu xəstəliyə qarşı anlayış və empatiyanı artıraq.

Birlikdə öyrənək, paylaşaq və fərq yaradaq.


Bakı Neyrocərrahiyyə Mərkəzi