Dünyanın əhalisi 8,04 milyard nəfərə çatıb. Bu rəqəm planetimizdə böyük demoqrafik dəyişikliklərin baş verdiyini göstərir. Əhalinin bölgüsünə nəzər salsaq, 60%-i Asiyada, 15%-i Afrikada, 11%-i Avropada, 9%-i Cənubi Amerikada və 5%-i Şimali Amerikada yaşayır.

Azmedinfo.az "Anadolu Ajans"ın məlumatına istinadən yazır ki, insanların yaşayış yerlərinə baxdıqda isə 51%-i şəhərlərdə, 49%-i kəndlərdə məskunlaşıb. Danışılan dillər arasında Çincə 12%, İngilis və İspan dilləri hər biri 5%, Ərəb, Hind, Bengal və Portuqal dilləri 3%-dən ibarətdir. Rus və Yaponiya dillərində danışanların sayı 2%-dir, qalan 62% isə öz yerli dillərində ünsiyyət qurur.

Sosial göstəricilər də maraqlıdır: əhalinin 77%-i mənzillə təmin olunub, 23%-in isə yaşayacaq yeri yoxdur. Təxminən 25%-i kifayət qədər qida ala bilmir, 87%-i isə təmiz içməli suya çıxışa malikdir. Mobil telefon istifadəçilərinin sayı 75%, internet istifadəçiləri isə 30%-dir. Təhsil baxımından, insanların yalnız 7%-i universitet məzunudur, lakin 83%-i oxumaq və yazmaq bacarığına sahibdir.

Dini mənsubiyyət baxımından, dünyada əhalinin 33%-i xristian, 22%-i müsəlman, 14%-i hindu, 7%-i budistdir. Digər dinlərə mənsub olanlar 12%-i təşkil edir, 12%-in isə dini inancı yoxdur.

Sağlamlıq və ömür göstəricilərinə gəlincə, insanların 26%-i 15 yaşına çatmadan vəfat edir. 15-64 yaş aralığında ölənlərin nisbəti 66%-dir və yalnız 8%-i 65 yaş və üzərində yaşaya bilir.

Bu rəqəmlər insanlığın sosial, iqtisadi və mədəni vəziyyətini əks etdirir və gələcək inkişaf strategiyalarının müəyyənləşdirilməsində önəmli rol oynayır.

Qeyd olunanlar ötən ilin sonuna olan məlumatdır.