24 oktyabr 2025-ci il tarixində Dövlət Gömrük Komitəsi Tibbi Xidmət İdarəsinin təşkilatçılığı ilə Sumqayıt Gömrük İdarəsində gömrük əməkdaşlarının psixoloji vəziyyətinin qiymətləndirilməsinə həsr olunmuş tədbir və könüllü qanvermə aksiyası keçirilib.

Azmedinfo.az xəbər verir ki, tədbirdə Sumqayıt Gömrük İdarəsinin rəisi Tariyel Alverdiyev, rəis müavini Vidadi Cəfərəliyev, DGK Tibbi Xidmət İdarəsinin rəis müavini, t.ü.f.d., dosent Dr. İsmayıl Əfəndiyev, Həkim Tibb Komissiyasının həkim-psixiatrı, t.ü.f.d. Gülay Məmmədzadə, Elmi-Təcrübi Tədris Mərkəzinin mütəxəssisi Şəhla Mirzəzadə, Mərkəzi Gömrük Hospitalının PR üzrə mütəxəssisi Dilarə Zamanova və gömrük əməkdaşları iştirak ediblər.

Açılış nitqi ilə çıxış edən Sumqayıt Gömrük İdarəsinin rəisi Tariyel Alverdiyev qeyd edib ki, gömrük orqanlarında xidmət edən əməkdaşların psixoloji sağlamlığı, sağlam həyat tərzinin təşviqi və kollektivdə müsbət mühitin formalaşdırılması Dövlət Gömrük Komitəsinin daim diqqət mərkəzindədir.
O, tədbirin təşkilinə görə DGK Tibbi Xidmət İdarəsinin rəisi Ceyhun Məmmədova və Səhiyyə Nazirliyi Respublika Qan Bankının Sumqayıt bölməsinin müdiri Leyla Məhərrəmovaya təşəkkürünü bildirib.

Daha sonra çıxış edən DGK Tibbi Xidmət İdarəsinin rəis müavini, t.ü.f.d., dosent Dr. İsmayıl Əfəndiyev vurğulayıb ki, həyata keçirilən psixoloji testlər gömrük əməkdaşlarının emosional vəziyyətinin qiymətləndirilməsinə, stressə qarşı davamlılığın artırılmasına və iş mühitində qarşılıqlı anlaşmanın möhkəmləndirilməsinə xidmət edir.

Tədbir könüllü qanvermə aksiyası ilə yekunlaşıb.