Payız mövsümü uşaqlıq dövründə immun sistemin yenidən qurulması və məktəbə, bağçaya dönüş orqanizmi virus və bakteriyaların hücumuna daha həssas edir.

Azmedinfo.az "Life" nəşrinə istinadən yazır ki, uşaqlarda bu dövrdə limfa düyünlərinin şişməsi, ağrı, dəri altı irinlənmə, furunkul və abseslər kimi hallar artır. Əsas səbəblər arasında soyuqlama, zəif immunitet, oturaq həyat tərzi, qeyri-sağlam qidalanma və gigiyena çatışmazlığı olur.

Mütəxəssislər bildirirlər ki, adi bir cızıq və ya sızanaq belə payızda stafilokokk və streptokokk infeksiyasına yol aça bilər. Bəzən bu infeksiyalar cərrahi müdaxilə tələb edən ağır irinlənmələrə səbəb olur.

Həkimləri valideynlərə tövsiyə edir ki, uşaqları mütəmadi əl yumağa və gigiyenaya alışdırın. Hər xırda yara və cızığı dərhal antiseptiklə təmizləyin. Soyuqdəyməni vaxtında müalicə edin, xəstəliyi “ayaqüstə keçirməyə” çalışmayın. Uşaqları havaya uyğun geyindirin — nə çox isti, nə də çox soyuq olmamlıdır.
Bundan əlavə, irinli şişkinlik, ağrı və qızartı görsəniz, özbaşına müalicə etməyin, dərhal həkimə müraciət edin.

Uşaqların payızda daha çox xəstələnməməsi üçün diqqətli olmaq, gigiyenaya və immunitetin gücləndirilməsinə xüsusi önəm verilməlidir.