Beynəlxalq tədqiqatçılar qrupu ürək tutmalarını onların baş verməsindən xeyli əvvəl proqnozlaşdırmağa şərait yaradan mühüm kəşf əldə edib.

Azmedinfo.az "Life" portalına istinadən yazır ki, Araşdırma nəticəsində məlum olub ki, əsas səbəblərdən biri “pis” xolesterinin yüksək səviyyəsinə genetik meyillilik ola bilər.

Yeni proqnozlaşdırma üsulu infarkt riskini onun baş verməsindən bir neçə il əvvəl müəyyənləşdirməyə imkan verir. “Pis” xolesterinin (aşağı sıxlıqlı lipoproteidlərin) yüksək olması infarkt və insultların inkişafı ilə sıx bağlıdır. Alimlər, həmçinin, orqanizmdə xolesterin səviyyəsinə cavabdeh olan genlərdə təxminən 17 min mutasiya variantını aşkarlayıblar.

Mütəxəssislər qeyd edirlər ki, LDL (aşağı sıxlıqlı lipoproteid) göstəriciləri normal səviyyədə olsa belə, zərərli reseptor mutasiyalarının mövcudluğu səbəbindən ürək tutması riski yüksək qala bilər. Bu mutasiyaların hər biri “pis” xolesterinin orqanizmdən xaric olunma effektivliyinə əhəmiyyətli dərəcədə təsir göstərə bilir.