Son aylar Yer kürəsində planetar səviyyəli maqnit qasırğaları daha çox qeydə alınıb. Bildirilir ki, geomaqnit indeksi Kp səviyyəsi G2–G3 dərəcəsinə qədər yüksəlib.

Azmedinfo.az "Life" portalına istinadən yazır ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş astronomiyası laboratoriyasının mütəxəssisləri məlumat veriblər.

Hadisəyə səbəb, 2–3 gün əvvəl Günəşin aktiv bölgələrində baş verən partlayışlar nəticəsində buraxılan koronal plazma axınlarıdır. İlkin hesablamalara görə, həmin axınların Yeri təsir dairəsinə yayılacağı gözlənilmirdi. Lakin sonradan məlum olub ki, plazma axınları birbaşa deyil, bir qədər Yer istiqamətinə yönəlmiş şəkildə yayılıb və gözləniləndən daha geniş miqyasda və yüksək sürətlə hərəkət edib.

Alimlər xəbərdarlıq edirlər ki, “qasırğa və maqnit pozuntuları təxminən bir sutka davam edəcək, bəlkə də tam səngiməyəcək, çünki sabah hadisə əsas mərhələsinə keçəcək – Günəşdən ayrılan əsas plazma kütlələri Yerə çatacaq və daha güclü geomaqnit proseslərinə səbəb olacaq.