Antibiotiklər yalnız həkim təyinatı ilə qəbul edildikdə faydalıdır. Bu həftənin əsas məqsədi antibiotiklərin təsirsiz istifadə olunmasının yaratdığı təhlükələri gündəmə gətirmək və düzgün yanaşmanı təşviq etməkdir.

Azmedinfo.az mütəxəssislərin rəyinə əsasən antibiotiklər yalnız düzgün istifadə olunduqda faydasına dair tövsiyələri izləyiciləri ilə paylaşır:

Antibiotiklərin səhv istifadəsi, yəni özbaşına qəbul, dozanın düzgün seçilməməsi, yarımçıq saxlanan müalicə bakteriyaların daha da güclənməsinə və gələcəkdə təsir etməyən “superbakteriyaların” yaranmasına səbəb olur. Bu isə həm fərdi sağlamlıq, həm də toplum üçün ciddi risk daşıyır.

Nəyi yadda saxlayaq?

- Antibiotik yalnız bakterial infeksiyalarda* təsirlidir. Soyuqdəymə və qrip kimi virus xəstəliklərində heç bir faydası yoxdur.
- Həkim təyin etmədən antibiotik istifadə etmək təhlükəlidir.
- Müalicə kursunu yarımçıq dayandırmaq bakteriyaların müqavimətini artırır.
- Qalan antibiotikləri sonradan istifadə etmək və ya başqasına vermək olmaz.

Sağlamlığınızı qorumağın ən doğru yolu həkimlə məsləhətləşmək və təyin olunmuş müalicə planına düzgün əməl etməkdir.