Xəstəliklə bağlı rəsmi diaqnoz olsa belə, bəzən müxtəlif xəstəliklərə xas ola biləcək simptomlar eyni olduğundan, yalnış yanaşma halları tez-tez rast gəlinir.

Azmedinfo.az “Planet Today” nəşrinə istinadən xəbər verir ki, mütəxəssislər bu mövzuda bir neçə ümumi yanlış anlaşmanı izah ediblər:

1. Vegetovaskulyar distoniya (VSD) — Ürəkdöyünmə, təzyiqin dəyişməsi, hava çatışmazlığı, başgicəllənmə, yaddaş zəifləməsi kimi əlamətlərə səbəb ola bilər. Amma rəsmi diaqnozlar siyahısında VSD yoxdur. Bu simptomlar anemiya, qalxanabənzər vəzin xəstəlikləri, nevroz və digər problemlərlə əlaqəli ola bilər.

2. Qardnerellyoz, mikoplazmoz, ureaplazmoz — Bunlar bəzən ayrıca xəstəlik kimi təqdim olunur. Halbuki bu halların düzgün adı bakterial vaginozdur.

3. Disbakterioz — Müstəqil xəstəlik deyil. Çox vaxt xroniki həzm sistemi pozuntularının və ya digər xəstəliklərin fonunda yaranan vəziyyətdir.

4. Osteoxondroz — ICD-10-da mövcuddur, lakin onurğa və qığırdaq toxumasının distrofik dəyişikliklərini ifadə edir. Hər mənşəli bel ağrısına “osteoxondroz” demək səhvdir.

5. Böyrəklərdə qum — Bu, sidik daşı xəstəliyinin ilkin mərhələsini təsvir etmək üçün istifadə edilən məcazi anlayışdır.

6. Vitamin çatışmazlığı — Bu da rəsmi diaqnoz deyil. Belə vəziyyət, məsələn, sinqa kimi spesifik xəstəliklərin təzahürü ola bilər. Müasir dövrdə nadir rast gəlinir və vitamin çatışmazlığını yalnız həkim analizlə müəyyən edə bilər.