Avstraliyalı alimlər təklikdə qidalanmanın yaşlı insanların sağlamlığına mənfi təsir göstərdiyini aşkar ediblər.

Azmedinfo.az "Life" jurnalına istinadən yazır ki, Flinders Universitetinin (Avstraliya) alimləri müəyyən ediblər ki, yaşlı qohumlarla müntəzəm birgə qidalanma onların sağlamlığını əhəmiyyətli dərəcədə yaxşılaşdırır. 80.000 nəfərin iştirak etdiyi araşdırma göstərib ki, tez-tez təklikdə yemək yeyənlərin rasionu daha az müxtəlif olur.

Müşahidələr zamanı məlum olub ki, təkbaşına qidalanan yaşlı insanlar təzə meyvə, tərəvəz və ət məhsullarını daha az istehlak edirlər. Bu isə istənilməyən çəki itkisinə və sümüklərin kövrəkliyinin artmasına gətirib çıxarır. Əksinə, birgə yemək vərdişi qidadan alınan həzzi artırır və qida keyfiyyətini yaxşılaşdırır.