İnsan Papillomavirusu (İPV) əleyhinə peyvənd uşaqlıq boynu xərçəngi riskini 80 faiz azaldır.

Azmedinfo.az "Lenta" nəşrinə istinadən yazır ki, britaniyalı mütəxəssislərin rəhbərliyi ilə beynəlxalq tədqiqatçılar qrupu tərəfindən aparılan iki böyük elmi icmal göstərib ki, İnsan Papillomavirusu (İPV) əleyhinə peyvənd uşaqlıq boynu xərçəngi və xərçəngönü dəyişikliklərin inkişafının etibarlı şəkildə qarşısını alır. 60-dan çox klinik sınağın və 200-dən çox tədqiqatın təhlili bunu təsdiqləyib. Əgər peyvənd 16 yaşından əvvəl edilərsə, xərçəng riski təxminən 80 faiz azalır, ciddi yan təsirlər isə olduqca nadir hallarda baş verir.

İcmalların müəllifləri onlarla ölkədən təsadüfi klinik sınaqları, müşahidələri və tədqiqatları, həmçinin əhali məlumatlarını təhlil edərək, peyvənd olunmuş və peyvənd olunmamış insanlarda yüksək onkogen İPV tiplərinin, xərçəngönü zədələnmələrin (CIN2+) və ciddi yan reaksiyaların tezliyini müqayisə ediblər. Bu cür geniş əhatə peyvəndin təsirini yalnız nəzarətli şəraitdə deyil, həm də real praktikada qiymətləndirməyə imkan verib.