“Hədəf 130/80” layihəsi çərçivəsində bölgələrdə skrininq və maarifləndirmə tədbirləri keçirilib

03 Dekabr 2025

176

Səhiyyə Nazirliyi, İcbari Tibbi Sığorta üzrə Dövlət Agentliyi, TƏBİB, İctimai Səhiyyə və İslahatlar Mərkəzi, Regional İnkişaf İctimai Birliyi, Azərbaycan Kardiologiya Cəmiyyəti və “Servye Azərbaycan” şirkətinin birgə əməkdaşlığı ilə ilkin səhiyyə xidməti çərçivəsində həyata keçirilən “Hədəf 130/80” layihəsi üzrə bölgələrdə skrininq və maarifləndirmə tədbirləri davam etdirilir.

Azmedinfo.az TƏBİB-in məlumatına istinadən yazır ki, Qeyri-infeksion xəstəliklərin profilaktikası, arterial hipertenziya ilə mübarizə məqsədilə, Quba, Qusar, Balakən, Zaqatala və Qax rayonları üzrə ilkin tibbi xidmət müəssisələrində, Quba və Balakən rayonlarında yerləşən Asan Xidmət mərkəzlərində skrininqlər həyata keçirilib.

Layihə çərçivəsində baş tutan müayinələr zamanı ümumilikdə 5 rayon üzrə 700-ə yaxın vətəndaşa tibbi xidmət göstərilib.

Qeyd edək ki, qeyri-infeksion xəstəliklərin qarşısının alınması məqsədilə həyata keçirilən bu layihə çərçivəsində respublika üzrə müxtəlif regionlarda skrininqlər və maarifləndirmə aksiyalarının, təbliğat və təşviqat kampaniyasının aparılması nəzərdə tutulub.