Azərbaycanda yaşlı əhalinin sayı artmaqdadır, belə ki, 2015-ci ildə ölkə üzrə 60 və yuxarı yaşda əhalinin 9 faiz təşkil etdiyi halda, hazırda bu rəqəm 15.5 faizə yüksəlib. Xüsusilə Bakı şəhərində bu artım daha sürətli olub, on il ərzində 10 faizdən 18 faizə qalxıb.

Azmedinfo.az xəbər verir ki, bununla bağlı Səhiyyə Nazirliyinin Bakı Şəhər Herontoloji Mərkəzinin direktoru vəzifəsini icra edən Nailə Əhmədova açıqlama edib.

"Yaşlı əhalinin sayının artması Herontoloji Mərkəzə müraciətlərin sayında da öz əksini tapır, belə ki, 2025-ci ilin dekabr ayının 2-nə qədər qeydə alınan 2546 ümumi müraciətin 64.6%-ni təqaüdçülər təşkil edib. Mərkəzin əsas məqsədi, məhz yaşlı insanlara ixtisaslaşmış və keyfiyyətli tibbi yardım göstərməkdir. Bu demoqrafik dəyişiklik fonunda, Ümumdünya Səhiyyə Təşkilatının (ÜST) Beynəlxalq Əlilliyi olan Şəxslər Günü münasibətilə açıqladığı “Əlilliyi Olan Şəxslər üçün Səhiyyədə Bərabərlik üzrə Qlobal Hesabatı” xüsusilə aktuallıq qazanır", -deyə ekspert bildirib.