Vətəndaşların İcbari Tibbi Sığorta (İTS) çərçivəsində dərman təminatı mexanizmi açıqlanıb.

Azmedinfo.az xəbər verir ki, İcbari Tibbi Sığorta üzrə Dövlət Agentliyinin Dərman və Tibbi Vasitələr Şöbəsinin müdiri Elmin Quliyev bu gün TƏBİB və Agentlik tərəfindən keçirilən təlimdə, xəstənin tibb müəssisəsində qeydiyyatdan keçməsindən dərman əldə etməsinədək bütün mərhələləri izah edib.

Elmin Quliyev bildirib ki, prosesə əsasən, vətəndaş tibb müəssisəsində qeydiyyatçıya yaxınlaşıb müvafiq ixtisaslı həkimin qəbuluna yönəldiləcək. Həkim tərəfindən müayinə olunacaq və diaqnoz qoyulacaq. Zəruri hallarda “E-Resept” sistemi ilə icbari tibbi sığorta üzrə resept yazılacaq.

Ekspert onu da qeyd edib ki, vətəndaş resept əsasında İcbari Tibbi Sığorta üzrə Dövlət Agentliyi ilə müqavilə bağlamış aptekə yaxınlaşıb şəxsiyyət vəsiqəsini təqdim edəcək və ona sığorta hesabına qarşılanan dərman veriləcək.