Vətəndaşların sağlamlığının qorunması və tibbi xidmətlərə əlçatanlığın təmin edilməsi məqsədilə böyrək daşı əməliyyatı icbari tibbi sığortanın xidmətlər zərfinə daxil edilib.

Azmedinfo.az xəbər verir ki, bu imkan sayəsində sığortalı şəxslər müvafiq tibbi göstəriş əsasında həm açıq, həm də qapalı (endoskopik) cərrahi əməliyyatlardan tam ödənişsiz yararlana bilərlər.

Əməliyyat üçün müraciət edən vətəndaşlar dövlət tibb müəssisələrində lazımi müayinələrdən keçdikdən sonra sığorta çərçivəsində cərrahi müdaxiləyə yönləndirilir. 

Xidmətlər Zərfində yer alan digər tibbi xidmətlərlə, eləcə də sığorta şərtləri ilə daha ətraflı tanış olmaq üçün "its.gov.az" rəsmi internet saytına keçid edə bilərsiniz.