Ötən il Azərbaycanda 48 min 446 nəfər heyvan dişləməsi və cırmaqlanmasına məruz qalıb.

Azmedinfo.az xəbər verir ki, Səhiyyə Nazirliyindən məlumatına görə, xəsarət alanların böyük hissəsi it dişləmələri ilə bağlı olub və bu səbəbdən 32 min 194 nəfər zərər çəkib. Məlumata görə, keçən il ərzində insanlar arasında bir quduzluq hadisəsi qeydə alınıb.

Mütəxəssislər xəbərdarlıq edir ki, bu növ xəsarətlər zamanı vaxt itirmədən həkimə müraciət etmək və quduzluğa qarşı vaksinasiya olunmaq həyati əhəmiyyət kəsb edir. Eyni zamanda, sahibsiz heyvanlarla rəftar zamanı diqqətli olmaq və profilaktik tədbirləri gücləndirmək yoluxma riskini minimuma endirir.