Tilburq Universitetinin tədqiqatçıları nəvələrə baxmaqla yaşlı insanların koqnitiv funksiyalarının zəifləməsinin ləngiməsi arasında əlaqə aşkar ediblər.

Azmedinfo.az "Psychology and Aging" jurnalında dərc olunan araşdırmaya diqqət çəkib.

Mütəxəssislər 50 yaşdan yuxarı təxminən üç min britaniyalının məlumatlarını təhlil ediblər. 2016-cı ildən 2022-ci ilə qədər olan müddətdə eksperiment iştirakçılarına nəvələrinin qayğısına qalıb-qalmadıqları və bunu necə etdikləri barədə bir neçə dəfə sorğu anketləri doldurmaq təklif edilib. Həmçinin, onlara yaddaş və nitq bacarıqlarını qiymətləndirən koqnitiv testlər təyin edilib.

Məlum olub ki, nəvələrinin qayğısına qalan nənə və babalar, kiçik nəsillərin həyatında iştirak etməyənlərlə müqayisədə, orta hesabla həm şifahi nitq, həm də epizodik yaddaş üzrə daha yüksək nəticələr göstəriblər. Ən böyük təsir nənələrdə müşahidə olunub. Olarda zehni funksiyaların zəifləməsi nəzərəçarpacaq dərəcədə yavaş baş verib.