Canlı və inaktiv peyvəndlərin fərqi

19 Fevral 2026

566

Peyvənd insanı təhlükəli bakteriya və viruslardan qorumağa kömək edən xüsusi hazırlanmış immunobioloji preparatdır. Peyvəndlərin tərkibinə spesifik immun cavabı yaradan komponent (antigen) və əlavə maddələr daxildir.

Azmedinfo.az TƏBİB-in peyvəndlərlə bağlı maarifləndirici məlumatına diqqət çəkir:

Tərkibindəki aktiv komponentə görə canlı peyvəndlər və cansız peyvəndlər olaraq təsnif olunur.

Canlı peyvəndlər viruslar və ya bakteriyalardan istehsal olunur. Bu mikroorqanizmlər laboratoriya şəraitində çoxsaylı kultivasiya nəticəsində zəiflədilir.

Cansız peyvəndlər isə viruslar və ya bakteriyaların inaktiv ( öldürülmüş) materialından hazırlanır. Bu növ peyvəndlər canlı peyvəndlərə nisbətən daha zəif spesifik müdafiə yaradır.

Ona görə də infeksiyaya qarşı kifayət qədər spesifik anticisim yaradılması məqsədilə, inaktivləşdirilmiş peyvəndlər müəyyən fasilələrlə bir neçə dəfə istifadə olunur.