Məşhur yuxu dərmanlarının təhlükəsi barədə xəbərdarlıq edilib.

Azmedinfo.az xəbər verir ki, "Rossiya 1" kanalında yayımlanan "О самом главном" proqramının efirində həkim və teleaparıcı Aleksandr Myasnikov somnoloq Aleksandr Kalinkinlə birlikdə bu növ dərmanları xüsusilə kimlərin qəbul etməməli olduğunu izah edib.

Somnoloq qeyd edib ki, yuxu dərmanları xoruldayan insanlar üçün ölümcül təhlükəli ola bilər: "Xoruldayanların bir çoxuna yuxuda tənəffüsün dayanması — "gecə apnesi sindromu" diaqnozu qoyulur. Belə bir vəziyyətdə yuxu dərmanı qəbul etmək tənəffüsün tamamilə dayanmasına səbəb ola bilər".

A.Myasnikov həmkarının sözlərini təsdiqləyərək bildirib ki, apne problemi olan şəxs yuxu dərmanı qəbul etdikdən sonra sadəcə oyanmaya bilər. A.Kalinkin isə əlavə edib ki, o, təcrübəsində buna bənzər bir çox faciəvi hadisələrin şahidi olub.