Onkologiyada hipertermiya (isti ilə müalicə), xərçəng toxumalarını 40-45°C-yə qədər qızdıraraq, bu hüceyrələri zədələyən və ya öldürən tamamlayıcı bir üsuldur.

Azmedinfo.az xəbər verir ki, Bioloji Təbabət İnteqrativ Müalicə Mərkəzinin məlumatın görə, bu üsul adətən radioterapiya və kemoterapiyanın effektivliyini artırmaq və immun sistemini dəstəkləmək üçün istifadə olunur.

Hipertermiya həmçinin termal terapiya, termal ablasiya və ya termoterapiya da adlandırılır. Bir çox klinik sınaqlar göstərmişdir ki, şüa terapiyası və kimyaterapiya kimi üsullarla birgə istifadə olunduqda, hipertermiya şişlərin kiçilməsinə kömək edir və xərçəng hüceyrələrinin məhv edilməsini asanlaşdıra bilir.

Hipertermiya bəzi xərçəng hüceyrələrini radiasiyaya qarşı daha həssas hala gətirə və ya radiasiyanın zərər verə bilmədiyi xərçəng hüceyrələrinə təsir göstərə bilər. Hipertermiya bəzi xərçəng dərmanlarının (kimyaterapi preparatlarının) təsirini də artırır.