Şəkərdən uzaq durmaq üçün 5 sadə addım

24 Fevral 2026

536

Bir çox insan fərqinə varmadan gündəlik rasionunda həddən artıq şəkər istifadə edir. Artıq şəkər qan şəkərinin sürətli yüksəlib düşməsinə səbəb olur, bu isə yorğunluq, diqqət dağınıqlığı və enerji azalması ilə nəticələnir.

Azmedinfo.az İcbari Tibbi Sığorta üzrə Dövlət Agentliyinin sosial paylaşımına diqqət çəkib:

Eyni zamanda, bu, dəri problemləri, çəki artımı və metabolik balansın pozulması kimi təsirlərə də yol açır.

Şəkərin zərərini azaltmaq üçün:

- Qazlı və şəkərli içkiləri minimuma endirin;

- Meyvənin şirəsini sıxıb içmək əvəzinə, bütöv şəkildə qəbul edin;

- Bədənin şəkər tələbatını quru meyvə və ya tünd şokoladla (az miqdarda) ödəməyə çalışın;

- Gün ərzində kifayət qədər su için;

- Qida məhsullarının etiketini oxuyun və tərkibində həddən artıq şəkər olan qidalardan imtina edin.