Bu gün – 1 mart dünyada Ümumdünya İmmunitet Günü kimi qeyd olunur. Məqsəd insanların sağlamlığının qorunmasında immunitet sisteminin roluna diqqət çəkmək və onun gücləndirilməsinin vacibliyini xatırlatmaqdır.

Azmedinfo.az mütəxəssislərin "güclü immunitet sağlam həyatın təməlidir" fəlsəfəsi əsasında sağlamlıq tövsiyələrinə diqqət çəkib. Orqanizmin xəstəliklərə qarşı müqavimətinin yüksək olması həm gündəlik həyat keyfiyyətini artırır, həm də müxtəlif infeksiyaların qarşısını almaqda mühüm rol oynayır.

İmmunitet sistemini möhkəmləndirmək üçün həkimlər aşağıdakı tövsiyələrə əməl etməyi məsləhət görürlər:

- düzgün və nizamlı yuxu rejimi,

- balanslı və sağlam qidalanma,

- kifayət qədər su qəbulu,

- təmiz havada müntəzəm gəzinti,

- fiziki aktiv həyat tərzi.

Mütəxəssislər vurğulayırlar ki, sağlam həyat tərzi yalnız xəstəliklərin qarşısını almaq üçün deyil, həm də ümumi rifahın və enerjinin qorunması üçün vacibdir.

Sağlam seçimlər edərək immunitetimizi qoruyaq və gücləndirək.