Həyat bəzən kiçik bir toxunuşdan, bir addımdan və ya sadəcə bir damla qandan asılı olur. Xüsusilə də söhbət irsi qan xəstəliklərindən əziyyət çəkən, hər gün yaşamaq üçün mübarizə aparan talassemiyalı uşaqlarımızdan gedirsə...

Azmedinfo.az xəbər verir ki, "Yeni Klinika"nın direktoru Barat Yusubov öz sosial media hesabında müraciət edərək, hər kəsi insanlıq naminə birləşməyə səsləyib. O, qan verməyin sadəcə tibbi bir prosedur deyil, bir insanın gələcəyinə uzanan yardım əli olduğunu vurğulayıb.

“Hər damla bir həyatın davamıdır. İrsi qan xəstəliklərindən əziyyət çəkən insanlar üçün qan sadəcə tibbi ehtiyac deyil, yaşamaq ümidi deməkdir. Gəlin 6 aprel tarixində Yeni Klinikada keçiriləcək qanvermə aksiyasında iştirak edərək talassemiyalı xəstələrə dəstək olaq! Bu, sadəcə bir aksiya deyil — bu, həyatlara toxunmaq fürsətidir.” – deyə direktor qeyd edib.