Dövlət Təhlükəsizliyi Xidməti-nin Hərbi Tibb Baş İdarəsinin Hərbi Hospitalının “Böyrək xəstəlikləri və orqan transplantasiyası” şöbəsində daha bir mühüm yenilik tətbiq edilib.

Azmedinfo.az xəbər verir ki, tibb elmləri doktoru Rəşad Şola-nın rəhbərliyi ilə “ARTEMİS – MR Fusion Prostat Biopsiyası” cihazı vasitəsilə hədəfli biopsiya texnologiyasına start verilib.

Yeni texnologiya sayəsində prostat xərçənginin daha erkən mərhələdə və yüksək dəqiqliklə diaqnostikası mümkün olur. ARTEMİS sistemi multiparametrik maqnit-rezonans tomoqrafiya (MRT) görüntülərini ultrasəs müayinəsi ilə birləşdirərək şübhəli sahəni dəqiq müəyyənləşdirir və məhz həmin nahiyədən biopsiya götürülməsinə imkan yaradır.

Bu yanaşma prostat xərçəngi ilə mübarizədə mühüm irəliləyiş hesab olunur.