Çin mediasında bu xəbər geniş müzakirə doğurdu - "diabetin sonu”. Səslənişi iddialıdır, amma bunun arxasında həqiqətən ciddi bir araşdırma dayanır.

Azmedinfo.az "China Daily" portalına istinadən yazır ki, çinli alimlər xəstələrin hüceyrələrini götürərək onları yenidən proqramlaşdırıblar və insulin istehsal edən hüceyrələrə çeviriblər.

Artıq nəticələr də var. 1-ci tip diabetli 25 yaşlı qadın 3 aydan az müddətdə insulin qəbulundan imtina edib. 2-ci tip diabetli 59 yaşlı kişi də insulinə ehtiyac duymamağa başlayıb

Qeyd olunur ki, bu hələ erkən klinik nəticələrdir. Metodun hamıda sabit işlədiyini təsdiqləyən uzunmüddətli tədqiqatlar aparılmayıb.

Lakin sözügedən tədqiqatlar diabetin ömürlük diaqnoz olmamasına doğru atılan ilk real addımlardan biridir.