24 may 2026-cı il tarixində “Qadın Sağlamlığı Mərkəzi” İctimai Birliyi və “Azərbaycan Ürək və Damar Cərrahiyyəsi” Cəmiyyətinin birgə təşəbbüsü, “Blink Media”nın təşkilatçılığı ilə “Maternal sağlamlıq və hamiləlik ağırlaşmaları” mövzusunda multidissiplinar konfrans keçiriləcək.

Azmedinfo.az xəbər verir ki, konfransın panellərində sahə üzrə tanınmış mütəxəssislər iştirak edəcəklər.

Panellərdə mütəxəssislər tərəfindən hamiləlik zamanı rast gəlinən anadangəlmə ürək qüsurlarının effektiv idarə olunması, ana həyatı üçün gizli təhdid formalaşdıran peripartum kardiomiopatiyanın risk faktorları və kliniki diaqnostikası, hamiləlik dövrü anemiyaları, habelə intrapartum və postpartum qanaxmaların etioloji səbəbləri ilə onların dayandırılma metodologiyası və uşaqlıqdaxili inkişaf ləngiməsi (İGR) kimi tibbin ən aktual və mürəkkəb istiqamətlərini əhatə edən mövzularda təqdimatlar nümayiş etdiriləcək.

Tədbir ginekologiya, radiologiya, onkologiya, kardiologiya və ürək-damar cərrahiyyəsi sahələrində çalışan mütəxəssislər üçün nəzərdə tutulub.

Qeydiyyat üçün: https://forms.gle/vFNZAGeQx2nqXGPr9

Əlaqə: +994 70 541 21 44