Azərbaycanda icbari tibbi sığorta üzrə Xidmətlər Zərfi çərçivəsində katarakta əməliyyatı tam ödənişsiz həyata keçirilir.

Azmedinfo.az xəbər verir ki, əməliyyat zamanı istifadə olunan tibbi sərflər, anesteziya və kataraktanın çıxarılması prosesi sığorta tərəfindən qarşılanır.

Əməliyyatda gözə yerləşdirilən süni linzalar da Xidmətlər Zərfinə daxildir və pasiyent bunun üçün əlavə ödəniş etmir.

Vətəndaş ilk növbədə dövlət tibb müəssisəsinə (poliklinika və ya xəstəxana) oftalmoloq qəbuluna müraciət etməlidir. Əgər həmin müəssisədə əməliyyat imkanı yoxdursa, pasiyentə agentliyin müqaviləli olduğu digər özəl və ya dövlət xəstəxanalarına göndəriş verilir.

Əməliyyatdan öncə tələb olunan laborator və instrumental müayinələr (qan analizləri, EKQ və s.) de sığorta hesabına icra olunur.

Xidmətlər Zərfində yer alan tibbi xidmətlərlə tanış olmaq üçün: https://tinyurl.com/n8mrutft