Aprel ayı bütün dünyada olduğu kimi ölkəmizdə də Fabri xəstəliyi haqqında məlumatlılıq ayı kimi qeyd olunur.

Azmedinfo.az xəbər verir ki, Azərbaycan Kardiologiya Cəmiyyəti bu münasibətlə vətəndaşları diqqətli olmağa çağıraraq bildirir ki, Fabri nadir rast gəlinən genetik xəstəlik olsa da, erkən aşkarlanmadıqda ürək, böyrək və sinir sistemində ciddi fəsadlara yol aça bilər.

Xüsusilə əl-ayaqlarda müşahidə olunan kəskin yanma hissi, səbəbsiz xroniki yorğunluq və dəridə yaranan spesifik dəyişikliklər bu xəstəliyin ilkin xəbərçisi ola biləcəyi üçün heç bir əlamət diqqətdən kənarda qalmamalıdır.

Mütəxəssislər vurğulayırlar ki, vaxtında qoyulan diaqnoz həyati orqanların zədələnmə riskini minimuma endirir və müalicənin effektivliyini artırır.

Azərbaycan Kardiologiya Cəmiyyəti "Məlumatlan, gecikmə, sağlamlığını qoru!" şüarı ilə hər kəsi öz sağlamlığına qarşı məsuliyyətli olmağa və şübhəli hallarda mütəxəssisə müraciət etməyə səsləyir.

Daha ətraflı vidoada.