Bir çoxumuz yuxuya gedərkən hansı tərəfə uzandığımıza diqqət etmirik. Lakin tibbi araşdırmalar və insan anatomiyası göstərir ki, seçdiyimiz yuxu pozisiyası, xüsusilə mədə fəaliyyəti üçün həyati əhəmiyyət kəsb edir.

Azmedinfo.az həkimlərin rəyinə əsaslanaraq xəbər verir ki, yatarkən hansı tərəfi seçməyimiz həzm prosesindən tutmuş ürək sağlamlığına qədər bir çox amilə təsir edir.

Niyə məhz sol tərəf? Təsvirdən də göründüyü kimi, mədənin anatomik forması sol tərəfə doğru genişlənmişdir. Sol tərəfi üstə yatdıqda reflyuksun qarşısı alınır: Mədə şirəsi (qastrik şirə) mədənin aşağı hissəsində toplanır. Qida borusu mədədən daha yuxarıda qaldığı üçün turşunun geriyə sızması və qıcqırma (reflyuks) riski minimuma enir.

Eyni zamanda, həzm asanlaşır. Mədəaltı vəzi və mədə öz təbii vəziyyətində qalır ki, bu da fermentlərin ifrazını və qidanın parçalanmasını sürətləndirir.

Sol tərəfə yatmaq ürəyə qan axınını asanlaşdırır və aorta damarının işini yüngülləşdirir.

Sağ tərəfə yatmağın "gizli" təhlükəsi

Şəklin yuxarı hissəsində sağ tərəfə uzanan insanın mədə vəziyyətinə diqqət yetirsək, ciddi bir problem görünür. Bu pozisiyada mədə şirəsi qida borusunun tam girişinə toplanır. Ağırlıq qüvvəsinin təsiri ilə turşu asanlıqla qida borusuna sızır. Bu isə:

- Gecə saatlarında şiddətli mədə qıcqırmasına;

- Xroniki reflyuks xəstəliyinin kəskinləşməsinə;

- Yuxu keyfiyyətinin aşağı düşməsinə səbəb olur.

Əgər sizdə tez-tez mədə yanması və ya həzm problemləri olursa, sol tərəfə yatmaq vərdişini formalaşdırmaq ən sadə və effektiv "təbii müalicə" üsuludur. Xüsusilə axşam yeməyindən qısa müddət sonra yatmaq məcburiyyətində qaldıqda, bu qaydaya əməl etmək çox vacibdir.