ABŞ-lı həkimlər Tourette sindromu üçün hazırlanmış ekopipam preparatının III faza klinik sınaqlarını başa çatdırıblar.

Azmedinfo.az “JAMA Neurology” elmi jurnalına istinadən yazır ki, tədqiqatçılar bu vasitənin sinir sistemi pozuntusuna xas olan əzələ spazmları və digər tipik simptomları effektiv şəkildə azalda bildiyini təsdiqləyiblər. 

Qeyd edilir ki, ekopipam Tourette sindromu ilə bağlı tiklərin tezliyini əhəmiyyətli dərəcədə azaldır və eyni zamanda ciddi yan təsirlər yaratmır. Alimlər 216 könüllünün (uşaqlar və böyüklər daxil olmaqla) iştirakı ilə aparılan tədqiqatlarda müalicənin uzunmüddətli effektivliyini və təhlükəsizliyini izləyiblər.

Ekopipam dünyada ilk selektiv D1-dopamin reseptorlarını bloklayan preparat hesab olunur. Məhz bu reseptorların fəaliyyətindəki pozuntular adətən Tourette sindromunun inkişafı ilə əlaqələndirilir.