GDT peyvəndi uşaqları üç kəskin və ölümcül infeksiyadan – göyöskürək, tetanus və difteriyadan sığortalayan ən effektiv və etibarlı tibbi qalxandır.

Azmedinfo.az xəbər verir ki, bu xəstəliklərdən birincisi olan göyöskürək, xüsusilə iki yaşından kiçik körpələr üçün qorxulu olan, hava-damcı yolu ilə sürətlə yayılan və qusma ilə nəticələnən şiddətli öskürək tutmaları, pnevmoniya, qıcolmalar, hətta tənəffüsün dayanması kimi ağır fəsadlar törədən təhlükəli tənəffüs yolları infeksiyasıdır.

Digər qorxulu xəstəlik olan tetanus isə insandan insana keçməsə də, torpaq, toz və yaralar vasitəsilə bədənə daxil olaraq ifraz etdiyi güclü toksinlərlə sümükləri sındıracaq dərəcədə şiddətli əzələ spazmlarına, çənə kilidlənməsinə, ağciyər trombozuna və yüksək ölüm riskinə səbəb olur.

Üçüncü təhlükə olan difteriya, hava-damcı və məişət yolu ilə yoluxaraq daha çox üç-yeddi yaşlı uşaqları hədəf alan, ifraz etdiyi aqressiv toksinlərlə ürək-damar və sinir sistemini zədələyən, boğazda kəskin şişkinlik, səsin batması və yüksək qızdırma ilə müşahidə olunan toksik forması ilə insanı sürətlə ölümə aparan kəskin infeksiyadır.

Tibb dünyası təsdiq edir ki, bu üç amansız xəstəliyin yaratdığı ağır fəsadlardan, fəaliyyət itkisindən və vaxtsız ölüm riskindən qorunmağın yeganə, elmi cəhətdən sübut olunmuş yolu uşaqların vaxtı-vaxtında peyvənd olunmasını təmin etməkdir.