Bəzən insan illərlə ürəyinin sürətlə döyünməsinə öyrəşir, bunun sadəcə yorğunluq, stress ya da ani həyəcan olduğunu düşünür. Lakin reallıqda bu simptomlar ciddi bir ürək ritm pozuntusunun xəbərçisi ola bilər.

Azmedinfo.az xəbər verir ki, bu fikirləri Səhiyyə Nazirliyi Elmi-Tədqiqat Kardiologiya İnstitutunun direktoru, professor Gülnaz Dadaşova bildirib.

"Bu gün biz, məhz belə xəstələrin həyatını kökündən dəyişən unikal prosedur tətbiq edirik. Hazırda Səhiyyə Nazirliyinin Elmi-Tədqiqat Kardiologiya İnstitutunun Elektrofiziologiya laboratoriyasında ürək ritm pozuntularının müalicəsində ən müasir və effektiv metodlardan biri olan ablasiya proseduru həyata keçiririk", - deyə professor Gülnza Dadaşova vurğulayıb.

 

Prosedur necə icra olunur?

Qeyd olunub ki, elektrofizioloji müayinə və ablasiya əməliyyatı zamanı xüsusi kateterlər vasitəsilə ürəkdəki döyüntünün dəqiq növün müəyyən edilir və ritm pozuntusuna səbəb olan ocaq tapılaraq zərərsizləşdirilir: "Əməliyyatdan sonra xəstələr, demək olar ki, əksər hallarda ürəkdöyünmə problemindən tamamilə azad olur və normal həyat fəaliyyətinə geri dönürlər".

İnstitut rəhbəri müasir texnologiyalar və peşəkar komandanın birgə əməyi sayəsində, bu gün minlərlə insanın yenidən rahat nəfəs almaq, sərbəst hərəkət etmək və keyfiyyətli yaşamaq imkanı əldə etdiyini qeyd edib: "Biz burada sadəcə tibbi bir prosedur icra etmirik, insanlara həyatlarının normal ritmini geri qaytarırıq!"

Sujeti buradan izləyə bilərsiniz.