Uzun müddət QSİƏP (qeyri-steroid iltihabəleyhinə preparatlar) və ya aspirin qəbulu mədənin selikli qişasına mənfi təsir göstərə bilər.

Azmedinfo.az xəbər verir ki. qastroenteroloq, hepatoloq və invaziv endoskopist Aqil Ağakişiyevin sözlərinə görə, bu preparatlar müxtəlif xəstəliklərin müalicəsində istifadə olunsa da, uzun müddət və nəzarətsiz qəbul edildikdə mədənin qoruyucu mexanizmlərini zəiflədə bilər.

Adi halda mədənin daxili səthi xüsusi selikli təbəqə ilə qorunur. QSİƏP preparatları isə bu qoruyucu təbəqənin yaranmasında rol oynayan maddələrin sintezini azaldır. Nəticədə mədə turşusu selikli qişaya daha asan zərər verir və zaman keçdikcə iltihab, eroziya və xoraya səbəb ola bilər.

Riskləri azaltmaq üçün preparatları ehtiyac olmadan uzun müddət qəbul etməmək, minimal effektiv dozadan istifadə etmək, dərmanları ancaq həkim məsləhəti ilə qəbul etmək və ən əsası mədədə narahatlıq yarandıqda mütləq müayinədən keçmək lazımdır.