Dünya sürətlə dəyişir, bu inkişaf tempi təbabət sahəsində də özünü aydın göstərir. Müasir tibbin ən dinamik və sürətlə yenilənən istiqamətlərindən biri məhz kardiologiyadır. Hər il ürək-damar xəstəliklərinin diaqnostikası və müalicəsində yeni texnologiyalar, müasir metodlar və mühüm elmi tədqiqatların nəticələri təqdim olunur.

Bəs bu sürətli yeniliklər selində ən vacib və tətbiqi məqamlar hansılardır?

Azmedinfo.az xəbər verir ki, Azərbaycan Respublikası Səhiyyə Nazirliyi Elmi-Tədqiqat Kardiologiya İnstitutu (ETKİ) bu suallara aydınlıq gətirmək və içtimaiyyəti maarifləndirmək məqsədilə yeni rubrikaya start verir: "Kardiologiyada nə yeniliklər var?"

İnstitutun təqdim etdiyi bu rubrika çərçivəsində dünyanın aparıcı elmi mərkəzlərində aparılan tədqiqatların nəticələri, ürək sağlığı sahəsindəki son beynəlxalq nailiyyətlər və innovativ müalicə üsulları sadə, anlaşılan və hər kəs üçün əlçatan dildə işıqlandırılacaq.

Dünya kardiologiyasının son yeniliklərini və mövzu ilə bağlı videoaçıqlamaları yaxından izləmək üçün İnstitutun rəsmi İnstagram səhifəsinə keçid edə bilərsiniz:

https://www.instagram.com/reels/Dbdj2zwNfuO/