Dünyada təxminən 280 milyon insan depressiv pozğunluqla yaşayır.

Azmedinfo.az "Medical news today"ə istinadən yazır ki, keçmiş tədqiqatlara görə, müəyyən həyat tərzi dəyişiklikləri zeytun yağı və qoz-fındıq kimi müəyyən qidalar da daxil olmaqla, insanın depressiv pozğunluq inkişaf riskini azaltmağa kömək edə bilər.

Yeni bir araşdırma portağalı depressiya riskini azaltmağa kömək edə biləcək başqa bir qida olaraq təyin edib.

Klinik depressiya insanın əhval-ruhiyyəsinə və özünü hiss etməsinə təsir edən psixi sağlamlıq vəziyyətidir.

Depressiya üçün bir sıra risk faktorları var, o cümlədən ailə tarixi, hormonal dəyişikliklər, digər xroniki xəstəliklər və daimi stress də bura daxildir.

İinsanın depressiyaya düşmə riskini azaltmağa fiziki fəaliyyət, düzgün yuxu, stressin idarə edilməsi və sağlam qidalanma da kömək edir.

Pəhrizlə əlaqədar olaraq, əvvəlki tədqiqatlar hətta sağlam qidaların yemək insanın depressiya riskini azaltmağa kömək edə biləcəyini göstərib.

"Microbiome" jurnalında bu yaxınlarda dərc edilən bir araşdırma portağalları depressiya riskini azaltmağa kömək edə biləcək başqa bir qida olaraq təyin edib.