Müasir tibbin mühüm nailiyyətlərindən olan orqan transplantasiyası hər il minlərlə insanın həyata tutunmasına vəsilə olur, lakin qlobal miqyasda donor çatışmazlığı hələ də kəskin problem olaraq qalır.

Azmedinfo.az Orqan Donorluğu və Transplantasiyası üzrə Koordinasiya Mərkəzinin məlumatına əsasən yazır ki, hazırda dünyada hər il 170 mindən çox orqan transplantasiyası həyata keçirilsə də, mövcud donor sayı tələbatı qarşılamağa yetmir və yüz minlərlə insan hələ də uyğun orqan gözləyir.

Bu zərurət fonunda hər 10 dəqiqədə orqan gözləyənlərin siyahısına yeni bir pasiyent əlavə olunur.

Təəssüf ki, vaxtında donor tapılmadığı üçün hər gün orta hesabla 17 nəfər gözləmə müddətində həyatını itirir.

Halbuki beyin ölümü təsdiqlənmiş cəmi bircə donorun orqanları vasitəsilə 8 nəfərə qədər insanın həyatını xilas etmək mümkündür.