Girnə-Taşucu reysini həyata keçirən sərnişin gəmisinin Girnə sahillərində qəzaya uğrması və insan itkisinə səbəb olmasına görə Şimali Kiprdə üç günlük milli matəm elan edilib.

Azmedinfo.az "Haber Global"a istinadən yazır ki,Şimali Kiprin Baş naziri Ünal Üstel Girne sahillərində batan sərnişin gəmisi ilə bağlı apardıqları istintaq çərçivəsində gəmi kapitanı və 7 əməkdaşın saxlanıldığını açıqlayıb.

Girnə şəhəri sahillərində baş vermiş gəmi qəzasında 8 nəfər həyatını itirib, 237 nəfər xilas olunub. Xilas olunanlar arasında iki Azərbaycan vətəndaşı da var.

***

Şimali Kipr Türk Respublikasında (ŞKTR) baş verən bərə qəzasından sonra bölgədə davam edən axtarış-xilasetmə işlərinə Türkiyə tərəfindən tam dəstək göstərilir. Türkiyədən hadisə yerinə iki helikopter, iki kater və bir dalğıc qrupu, həmçinin ölkənin Hərbi Dəniz Qüvvələri Komandanlığının iki gəmisi cəlb olunub.

Türkiyənin Xarici İşlər Nazirliyi (XİN) məlumat yayıb: “Bu gün Şimali Kipr Türk Respublikasının Girnə limanından Mersinin Taşucu limanına getmək üçün yola çıxan sərnişin gəmisinin batması nəticəsində insan tələfatının olması bizi dərindən kədərləndirir. Qəza nəticəsində həyatını itirənlərə Allahdan rəhmət diləyir, onların yaxınlarına, xalqımıza və ŞKTR xalqına başsağlığı veririk”.

Qeyd edilib ki, daha çox insan tələfatının qarşısının alınması və itkin düşən şəxslərin tapılması məqsədilə aparılan işlər ŞKTR hakimiyyət orqanları ilə sıx koordinasiya və əməkdaşlıq şəraitində davam etdirilir.